Қазақстан Премьер-министрі Асқар Мамин Қырғызстан Үкіметінің басшысы Мухаммедкалый Абылгазиевпен телефонмен сөйлесті. Бұл туралы Қазақстанның Қырғызстандағы елшілігі хабарлады.
Әңгіме барысына тараптар қазақстандық-қырғыз ынтымақтастығының өзекті мәселелерін талқылады.
Үкімет басшылары азаматтар мен тауарлардың кедергісіз өтуі үшін мемлекеттік шекараның қазақстандық-қырғыз учаскесіндегі бақылау-өткізу пункттерінің одан әрі бірлескен және үйлесімді жұмысын қамтамасыз ету мәселесіне айрықша назар аударды. Бүгінде жүктерді тасымалдау үшін қазақстандық-қырғыз шекарасында ешқандай кедергі жоқ екені атап өтілді.