Білім және ғылым министрі Асхат Аймағамбетов бүгіннен бастап еліміздегі қосымша білім беру ұйымдарының қызметі тоқтатылғанын айтты.
- 16 наурыздан бастап мемлекетте қосымша білім беру ұйымдарының қызметін тоқтаттық. Оған оқушылар мен жасөспірімдер сарайы, музыка, көркемсурет, өнер мектептері, тағы да басқа білім беру ұйымдары жатады. Біз олардың жұмысын тоқтаттық. Сондықтан бұл ұйымдарға балалар бүгін барған жоқ. Жеке меншік дамыту орталықтары, әрине, біздің құзыретімізде емес. Десек те біз бүгін ата-аналарға өз ұсынысымызды айтып отырмыз, - деді министр.