Бүгін Алматыда COVID-2019 жұқтырған 18-ші зертханалық - расталған оқиға тіркелген. Қоғамдық денсаулық басқармасы коронавирус инфекциясының 18-ші оқиғасы туралы хабарлады. Ол - 37 жастағы әйел, Франкфурт - Нұр-Сұлтан - Алматы бағыты бойынша 16 наурызда ұшып келген.
Дерт жұқтырған әйел 14 күндік үй карантиніне алынды. Әйел 18 наурызда дене температурасының 37 градусқа дейін көтерілуі және тамағының ауруы салдарынан өзін жайсыз сезініп, жедел жәрдем шақырған және қалалық клиникалық инфекциялық ауруханаға жеткізілген. Қазір оның жағдайы қанағаттанарлық деп бағалануда.
Алматы қаласы аумағында әйелмен байланыста болған адамдар оқшауланды. Қазіргі кезде Алматының инфекциялық ауруханасында 15 пациент бар, ал балалардың инфекциялық ауруханасында 2 бала мен сондағы бір баланың анасы ем алуда. Олардың барлығы бекітілген хаттамаға сәйкес емделуде, вирусқа қарсы және симптоматиялық терапия уақтылы жүргізілуде.Барлық пациенттердің жағдайлары қанағаттанарлық екені хабарланды.
Коронавирус инфекциясының таралуына жол бермеу үшін мына нұсқауларды мүлтіксіз орындау қажет:
- қолды жиі жуып, антисептиктерді қолданған жөн. Қолды сабынмен әрбір жарты сағат бойына 20 секунд бойы жуу керек. Егер жақын маңда қол жуатын орын, сабын болмаса, онда микробтарды кәдімгі антисептикпен жоюға болады;
- бөлмені жиі желдету қажет;
- қоғамдық орындардан аулақ болған жөн;
- қол алысуға және басқа да жақын байланыс жасауға болмайды;
- иммунитетті күшейту қажет;
- сұйық тию және тұмау ауруларының белгілері (симптомдары)байқалса, өзін жайсыз сезінсе, құрғақ жөтел болса, онда бірден емханадан дәрігерді немесе жедел жәрдемді шақыру қажет әрі маска киген жөн.
Анықтама үшін 1406 нөмірі бойынша Call- орталық тәулік бойына жұмыс істейді.
Ресми ақпаратты әлеуметтік желідегі Алматы қаласы әкімдігінің сайты мен ресми парақшалардан алуға болады. Қосымша ақпарат Telegram-каналдағы Stopcov Almaty жедел жарияланады.