Нұр-Сұлтан қаласы Полиция департаментінің бастығының орынбасары Айдос Рысбаев бақылау өткізу-бекетінде полиция қызметкерлеріне көрсету үшін қала тұрғындары мен қонақтарына өздерімен бірге міндетті түрде жеке куәлік пен басқа да құжаттарын алып жүруін ескертті.
«Көлік кептелісі мен кезекте тұрмас үшін қала тұрғындары мен қонақтарына алдын ала тиісті шаралар қабылдауға кеңес береміз. Блок-бекеттегі полиция қызметкерлеріне көрсету үшін өздеріңізбен бірге міндетті түрде жеке куәлік және басқа да құжаттарыңызды алып жүруді ұсынамыз», деді Айдос Рысбаев.
Оның айтуынша, Нұр-Сұлтан қаласы маңындағы Жібек жолы, Қосшы, Қараөткел, Талапкер, Қоянды кенттерін қоса алғанда барлық бағытта 7 бекет қойылған. Жүк автокөліктері үшін транзитттік жүру елорда маңындағы айналма автожол бойынша қарастырылған.