Қазіргі таңда «Жолаушылар тасымалы» АҚ билет кассаларына 3,6 млрд теңгеге жол жүру құжаттары тапсырылды. 12-26 наурыз аралығында Қазақстандықтар 578 мың теміржол билетін қайтарып алды деп хабарлайды ИИДМ баспасөз қызметі.
Вокзалдарда пайдаланылмаған билеттерді қайтару туралы хабарландыру көрсетіледі. Сондай-ақ темір жол қызметкерлері жолаушыларға билет кассаларының жанында бір-бірінен кемінде екі метр қашықтықты сақтау қажеттілігі туралы әңгіме өткізеді.
Жолаушылар пойыздарында жолсеріктер міндетті түрде жолаушылардың денсаулық жағдайын нақтылайды, қатаң кесте бойынша вагондарда жинау жүргізіледі және дезинфикация ережелері сақталады.