Бүгін Атырау облысында коронавирус инфекциясын жұқтырғандар арасынан 2 адам жазылып шықты.
– Олар – Атырау облысында Covid-19 инфекциясын алғаш жұқтырғандар. Бүгін, 12 сәуірде инфекциялық стационардан қауіпті індеттен айыққан 2 адам шықты. Біреуі –14 жасар қыз, екіншісі –19 жастағы жігіт. Екеуі де 27 наурызда инфекциялық стационарға жатқызылған болатын» – деп хабарлады өңірлік жедел штабтан.
Осы кезге дейін Атырау облысында коронавирусты жұқтырған 59 адам тіркелген.
Жұмасат ҒАЗИЗ