Ұлттық Банк Атырау филиалының экономикалық талдау және статистика бөлімінің басшысы Айнагүл Аққұлованың мәлім етуінше, тұрғындар төлем карточкаларымен есептесуге бет бұра бастады. Мәселен, биылғы 1 наурызға дейін айналымдағы төлем карточкаларының саны 1 560,7 мың бірлікті құраған.
– Ал, карточка ұстаушылардың саны – 1396,7 мың адам. Облыста 717 төлем терминалдары, 582 банкомат, 5198 POS-терминал жұмыс істейді. Өткен жылғы сәйкес мерзіммен салыстырғанда, биылғы екі айда облыста төлем карточкаларын пайдалану арқылы қолма-қол ақшасыз төлемдер 7,7 есеге, ал, оның сомасы 6,4 есеге өсіп отыр. Мәселен, биыл қаңтар-ақпанда 161,0 миллиард теңге сомасына 11 972,7 мың транзакция жасалған, - дейді Айнагүл Аққұлова.
Жолдасбек Көшербайұлы