Елорда әкімі Алтай Көлгінов қазақстандықтарды Рамазан айының басталуымен құттықтады. Бұл туралы Нұр-Сұлтан қаласы әкімдігінің баспасөз қызметі хабарлады.
«Баршаңызды айлардың сұлтаны Рамазанның келуімен шын жүректен құттықтаймын! Ораза айы – береке мен бірлік нығайып, мейірім мен қайырым сияқты қасиеттер артатын ай. Осы айда жасаған жақсылықтарыңыз бен игі істеріңіздің сауабы мол болсын. Дендеріңізге саулық, отбасыларыңызға амандық пен бақ-береке тілеймін» деді ол.