Кентау қаласындағы жұқпалы аурулар стационарына 22 жастағы жүкті әйел 27- сәуір күні ауыр халде жеткізілген. Толық медициналық тексеру нәтижесінде одан COVID-19 вирусы мен екі жақты пневмония, анемия анықталған. Аяғы ауыр әйелдің дене қызуы көтеріліп, жөтел белгілері болған.
Дәрігерлер шұғыл түрде гемотрансфузия жасап, тиісті ем-дом жүргізеді. Жоғары жауапкершілік пен мінсіз әрекеттің нәтижесінде аурухананың білікті дәрігер-реаниматолог, гинеколог және акушер құрамы жүкті әйелді сәтті босандырып алды. Салмағы 3400 грамм ұл дүниеге келген. Сәби оқшауланып, №3 Түркістан облыстық перзентхана дәрігерлерінің қадағалауында. Жаңа туылған нәрестеден COVID-19-ға талдау алынған. Нәтижесі жақын уақытта белгілігі болады. Дәрігерлердің айтуынша, бала өзін жақсы сезінеді. Жаңа босанған ана жұқпалы аурулар бөлімінде ем қабылдауда, жағдайы бірқалыпты.