Мемлекет басшысы «МИР» телеарнасына берген сұхбатында Ржев түбіндегі қанды шайқаста көз жұмған әкесінің үлкен ағасы Қасым жайында айтып берді.
«Әкем үлкен ағасының рухына құрмет көрсетті. Менің есімім Қасым ағамның құрметіне қойылған. Әкем оны қатты сағынды, барлық хаттар мен фотоларды сақтап, өмір бойы жерленген жері туралы кез-келген ақпаратты табуға тырысты. Кейде әкем ағасының қайта тіріліп келетінінен де үміттенетін сияқты көрінетін маған», - деп еске алды Қасым-Жомарт Тоқаев.