Бұл туралы Премьер-Министрдің бірінші орынбасары, Қаржы министрі Әлихан Смайылов Үкімет үйінде өткен онлайн брифингте айтты.
«Айналым капиталдық 8 пайыз жеңілдікпен несиелеу және қарапайым заттар экономикасы бағдарламасы бойынша жылдық 6 процентпен жеңілдікпен несиелеу ұлғайту шеңберінде 1 трлн теңге бюджеттен тыс қаражат қарастырылған. 4,5 млн адам 2 ай ішінде 42,5 мың теңге төлем алуда. Бұл мақсатқа 380 млрд теңге мемлекеттік әлеуметтік сақтандыру қорынан көзделген. Тұрғын үй құрылысын 15 млн шаршы метрге жеткізу үшін қосымша 390 млрд теңге бюджеттен тыс көзден тартылады», деді Әлихан Смайылов.
Министрдің айтуынша, республикалық бюджеттің салық кірістерінің төмендеуін өтеуге және тиісті мемлекеттік барлық әлеуметтік міндеттемелерін орындауға 1,7 трлн теңге бөлінеді. Экономиканың зардап шеккен секторларындағы шағын және орта бизнес субъектілері мен ірі бизнес өкілдеріне еңбекақы төлеу бойынша салықтар мен алымдарды төлеуден босатуға байланысты жергілікті бюджеттердің шығындарын өтеуге 237 млрд теңге қарастырылған.