20 қыркүйекте Ақордада Мемлекеттік хатшы М.Тәжиннің төрағалығымен «Қазақстан-2050» Стратегиясы аясындағы мемлекеттік органдардың ғылыми-сараптамалық жұмыстарының және Қазақстан халқы Ассамблеясының Ғылыми-сарапшылық кеңесінің жаңа міндеттері» күн тәртібі бойынша ҚХА Ғылыми-сарапшылық кеңесінің кеңейтілген отырысы өткен болатын.
20 қыркүйекте Ақордада Мемлекеттік хатшы М.Тәжиннің төрағалығымен «Қазақстан-2050» Стратегиясы аясындағы мемлекеттік органдардың ғылыми-сараптамалық жұмыстарының және Қазақстан халқы Ассамблеясының Ғылыми-сарапшылық кеңесінің жаңа міндеттері» күн тәртібі бойынша ҚХА Ғылыми-сарапшылық кеңесінің кеңейтілген отырысы өткен болатын.
Осыдан шамалы уақыт бұрын ғана Астанадағы Бейбітшілік және келісім сарайында Қазақстан Республикасының Президенті, Қазақстан халқы Ассамблеясының Төрағасы Нұрсұлтан Назарбаевтың төрағалығымен «Қазақстан-2050» Стратегиясы: бір халық – бір ел – бір тағдыр» күн тәртібімен Қазақстан халқы Ассамблеясының ХХ сессиясы өткені есімізде. Онда Елбасы «Қасиетті қазақ жерін татулықтың төл иесі деп бейбітшілікке бөлеген Қазақстан халқы Ассамблеясы биыл кәмелетке толды. Ел тәуелсіздігінің ең жауапты кезеңінде бірлігіміздің бастауы болып, қолымызбен құрған Ассамблеяның өмірге келгеніне он сегіз жыл болды. Осы аралықта ол өзінің өміршеңдігін көрсетіп, біздің бейбіт қоғамның ажырамас бөлігіне айналды. Елдіктің өлшемі, тұрақтылықтың тұтқасы бола алды», – деп тұжырымдаған еді.
Тарихқа шегінсек, Ассамблея құру идеясын Мемлекет басшысы Нұрсұлтан Назарбаев алғаш рет 1992 жылы Тәуелсіздіктің бір жылдығына арналған Қазақстан халқының бірінші форумында жариялаған болатын. Мұндай институтты құру қажеттілігі саяси тұрғыдан, сондай-ақ жаңадан құрылған, тәуелсіз, полиэтносты, поликонфессиялы мемлекеттің тұрақты дамуы тұрғысынан туындаған еді. Аталған бастама мәдениетаралық үнқатысуды нығайтудың жаңа кезеңінің негізін қалап, этносаралық қатынастарды дамыту мәселелерін жоғары дең-гейде шешуге мүмкіндік жасайтын әлемдік тәжірибедегі тың бағыт болып табылды. Осы уақытқа дейін Ассамблея бірнеше даму сатысынан өтіп, бірқатар өзгерісті бастан кешірді. Оның дамуы барысында елімізде этносаралық толеранттылық және қоғамдық келісімнің қазақстандық үлгісі қалыптасты. Осы жылдар ішінде Қазақстан халқы Ассамблеясының институттық құрылымы нығайып, қоғамды ұйыстырушы әлеуеті толысты, ол халық дипломатиясының маңызды күретамырына айналды. Бүгінде Ассамблея ел Президенті төрағалық ететін конституциялық орган болып табылады. Бұл оның ерекше мәртебесін айқындайды.
Ал Қазақстан халқы Ассамблеясы Ғылыми-сарапшылық кеңесі жайлы сөз қозғасақ, бұл ұйым еліміздегі этносаралық қатынастар саласы мен мемлекеттік саясатты тиімді жүзеге асыруда ғылыми негізделген бағыттар мен шешімдерді айқындауды талап еткен қоғамдық сұранысты қамтамасыз ету мақсатында 2009 жылы құрамына 25 доктор, 11 ғылым кандидаты, 6 қоғам қайраткері енген құрылым ретінде дүниеге келген болатын. Сонымен қатар, облыстарда, Астана және Алматы қалаларында да ғылыми-сарапшылық топтар жұмыс істеуде. Олардың қатарына қазірде қоғам қайраткерлері, этносаралық және конфессияаралық қатынастар мәселесімен айналысатын мемлекеттік қызметшілер, этномәдени бірлестіктердің жетекшілері және жоғары оқу орындарының өкілдері бар жалпы саны 200-дей адам тартылған.
ҚХА Ғылыми-сарапшылық кеңесінің негізгі міндетіне еліміздегі этносаяси, әлеуметтік-экономикалық және конфессиялық даму үдерістерге кешенді сараптама жасау, аталған үдерістердің елдегі және әлемдегі дамуына болжам жасау, мемлекеттік этносаясаттың өзекті бағыттары бойынша ғылыми сараптамалық жұмыстар жүргізу, этносаралық және конфессияаралық қатынастар саласындағы ғылыми-зерттеу жұмыстарын үйлестіру, Ассамблеяның қазақстандық қоғамның тұрақты дамуын қамтамасыз етуге, жалпыұлттық келісімге қол жеткізуде саяси және азаматтық институт ретіндегі рөлін күшейтуге атсалысу жатады.
Ғылыми-сарапшылық кеңес қызметі ғылыми-зерттеу, талдау және білім беру сынды негізгі үш бағытта жүзеге асуда. Сонымен қатар, кеңес қоғамдық келісім, тұрақтылық, толеранттылық пен ұлттық бірлік, этносаралық және конфессияаралық қатынастар саласындағы өзекті мәселелерді талқылап, сараланған, зерделенген шешім қабылдауға мүмкіндік беріп отыр. Ғылы