Мамыр айының басынан бері Нұр-Сұлтандағы коронавирус инфекциясы өсімінің орташа мәні 4,4%-ды құрады. 20,5% төмендеді. Бұл туралы елорданың қоғамдық денсаулық сақтау басқармасының басшысы Сәуле Қисықова мәлімдеді.
- Мәселен, 20-30 сәуір аралығында мегаполисте вирусты жұқтыру өсімі 5,3%-ды құраса, мамыр айының екі аптасында орташа өсу мәні 4,4 % құрады. Елімізде ТЖ режимінің аяқталуына, сырқаттанушылық өсімінің төмендеуіне байланысты бұған дейін коронавирус инфекциясын жою жөніндегі іс-шараларға тартылған кейбір медицина ұйымдарының негізгі қызметін қайта бастауға рұқсат берілді, - деді Сәуле Қисықова.