Бүгін түс қайта облыста коронавирус індетінен тағы 6 науқас емделіп шыққаны белгілі болды. Бұл туралы облыстық денсаулық сақтау басқармасы хабарлады.
Емделушілердің емі толық аяқталған соң, 2 рет тест сынамасы алынған. Сынама нәтижесі теріс көрсеткіш көрсетуіне орай, яғни науқастар Covid-19 вирусынан айығуына байланысты ауруханадан үйлеріне қайтарылды.
Індетті жеңген 6 науқас та Қызылорда қаласының тұрғыны. Олар енді 14 күн бойы аймақтық дәрігерлер бақылауында болады.
Осымен бүгінге дейін өңірде індеттен айығып шыққандар саны 216-ға жетіп отыр.