Қорғаныс министрлігімен «Қазақстан Республикасы Қарулы Күштерінің әскери мүлкін (азық-түлік қызметі техникасын) пайдалануды ұйымдастыру жөніндегі нұсқаулықты бекіту туралы» бұйрық жобасы әзірленді. Бұл туралы министрліктің баспасөз қызметі хабарлады.
Бұйрық жобасы Қазақстан Қарулы Күштерінде азық-түлік қызметінің техникасын ұстау және пайдалану ережелерін нақтылайды.
Құжатпен Қарулы Күштер бөлімшелерін техникамен жасақтау кезінде техниканы ұстау, азық-түлікпен қамтамасыз ету тәртібі, сондай-ақ техниканы жарамсыз ету тәртібі регламенттелді.
Бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.