Тағы бір буын үшін мектеппен қоштасар сәт жақындады. Бүгін өңірдегі 196 мектептің 129 500 оқушысы үшін оқу жылының аяқталғанын білдіретін соңғы қоңырау соғылды. Әрине, бұл шара онлайн режимде өтті.
Өңірлік коммуникациялар қызметінің хабарлауынша, биыл 5 286 түлек мектепті бітіріп отыр. Олардың арасынан 11 жыл бойына үздік оқып, түрлі білім бәйгесінде жұлдызы жарқыраған 229 оқушы «Алтын белгіні» иеленеді. Ал 183 түлектің білімі «Үздік аттестатпен» бағаланбақ.
– Мектеп түлектеріне аттестат тапсыру шарасы 3-4 маусымда білім ұясының ашық алаңында өтеді. Оған тек түлектер ғана қатысады, -дейді облыстық білім басқармасының мамандары.