Қорғаныс ведомствосында Қорғаныс министрлігі мен Бас штаб бөлімшелерінің басшылық құрамымен аппараттық кеңес өтті. Кеңес барысында бұрынғы әскери қызметшілерді тұрғын үймен қамтамасыз ету, әскери-медициналық қызмет жұмысын жетілдіру және әскердегі басқа да күнделікті тіршілігіне қатысты мәселелер талқыланды. Бұл туралы Қорғаныс министрлігінің баспасөз қызметі хабарлады.
Елдегі төтенше жағдай режимі жойылды, онымен бірге конституцияға сәйкес пандемияны тазарту жұмыстарына Қарулы Күштерді жұмылдыру тоқтатылды. Дегенмен, коронавирус қаупі сияқты карантиндік шектеулер әлі де сақталады. Қарулы Күштерде жеке құрам арасында коронавирустық инфекцияның таралуына жол бермеу жөніндегі іс-шаралар жалғасуда.
Коронавирус пандемиясы қандай бағыттарды дамыту маңызды екенін көрсетті. Олардың ішінде Қарулы Күштердің әскери-медициналық қызметі бар. COVID-19 және инфекциялардың басқа да түрлерін анықтауға мүмкіндік беретін жеке ПТР-зертханасын құруға жаңа серпін берді.
Кез келген жерде өрістету мүмкіндігімен толыққанды қамтамасыз етілген мобильді ПТР-зертханаларды құру келесі қадам болады. Бұл туралы Қорғаныс министрі тиісті тапсырма берді.
Қолбасшылық жеке құрамның денсаулығына ерекше назар аударды. Осы мақсатта еңбек және демалыс режимі қызметті ұйымдастыру мүдделерін ескере отырып ұйымдастырылған. Демалыстағы әскери қызметшілердің вирусты жұқтыру жағдайлары анықталғанын ескере отырып, медицина қызметкерлерінің екі апта мерзімге және басқа да әскери қызметшілердің үш аптаға дейінгі мерзімге демалысына мораторий енгізу тапсырылды.
Аппараттық кеңесте тұрғын үймен қамтамасыз мәселесі қозғалды. Қорғаныс Министрлігі Қарулы Күштердің тұрғын үй қорының қолда бар ресурсы есебінен бұрынғы әскери қызметшілерді тұрғын үймен қамтамасыз ету мәселесін шешуді көздейді. Әскери басшылықпен азаматтарға қолданыстағы тұрғын үй заңнамасының нормаларын түсіндіру тапсырылды.
Жоспарлы оқу сабақтарын өткізу кезінде қауіпсіздікті қамтамасыз ету мақсатында министр жылына екі рет және ірі ауқымды оқу-жаттығуларды аяқтағаннан кейін оқу полигондарын тұтас тазарту бойынша жұмыстарды жалғастыруды тапсырды.
Әскери объектілердің қауіпсіздігін қамтамасыз ету өзекті міндеттердің бірі болып саналды. Жуырда Талдықорған гарнизонының әскери бөлімдерінің бірінде кезекші нарядтың күшімен ұшқышсыз ұшу аппараты залалсыздандырылды. Заңсыз түсірілім жүргізген аппараттың иесі ұсталды. Тәртіп бұзушы құқық қорғау органдарына жіберілді.
Аппараттық кеңес барысында әскери қызметшілердің жауынгерлік даярлығының мәселесі қаралды. Екінші жоспарда қалып қойған бұл мәселені түзету қажет. Өйткені Қарулы Күштердің негізгі міндеті жауынгерлік қабілеттің және даярлықтың жоғары деңгейін қамтамасыз ету болып табылады. Командирлерге санитариялық-эпидемиологиялық қауіпсіздік шараларын сақтай отырып, жауынгерлік кезекшілік пен қызмет атқарудың жоспарлы режиміне көшу тапсырылды.