Күн­де­лікті қызметімен қатар кө­лік жөн­­деумен айналысады

Бұл жолы да сол ізбен кө­лік жөндеу ма­мандығының қыр-сырын мең­герген майталманды ма­қаламызға ар­қау етпекпіз. Ол – Қаз­талов ауылының тумасы Ербол Идрисов. Мақа­ла­мыздың басын оқығандар: «Ой, мұның несі қызық, кәсіп жасап ақша тауып жүр ғой» деп ойлауы да мүмкін. Бірақ мақаламыздың барысында Ербол бұл кәсіпті ақша үшін емес, жеке қызы­ғушылығынан жасап жүр­геніне көз жеткіземіз.

Ендеше бәрін басынан бастайық. Ербол Талапұлы ұзақ жылдардан бері аудан ор­­­талығындағы облыстық тө­­тенше жағдайлар де­­пар­­та­ментіне қарасты №11 өрт сөн­діру бөлімінде кө­лік жүргізуші болып жұ­мыс іс­­­тейді. Азаматтық қор­ғау аға сер­жанты Ербол күн­де­лікті қызметімен қатар кө­лік жөн­­деумен айналысады. Кө­­­лік жөндегенде екінің бі­рі­нің қолынан жөн­деу келе бермейтін со­ғыл­ған, майысқан көлік­терді қалпына келтірумен айна­­лы­сады. Соның ішінде өзі қыз­мет жасап жүрген бөлімнің 4 қызметтік көлігін жөндеп, әріп­тестері алдында шебер ре­тінде танылған. Ретін тауып, ма­қаламыздың кейіпкеріне жолықтық.

– Оқушы кезімнен тех­­­­­­­­­никаға өте үйір болдым.

Тех­­­­никаға деген қы­зы­ғу­­­­шы­­лығым қазіргі ма­ман­­ды­ғымды таңдауыма себеп болды. Мен көбіне жұ­­­мыста жүрген кезімде қыз­­меттік көліктерді жөн­деумен айналысамын. Ма­ған әркез әріп­тестерім қол­дау білдіріп, көмектесіп жү­реді. Атап айтар болсам, Бейбіт Өтебаев, Біржан Ахметов, Ербұлан Тілекеш, Роман Қара­баевтардың ең­бегі зор. Алғаш рет біздің бөлімдегі УАЗ автокөлігін жөндеп, жаңа түске сырлап шықтық. Жаман болып шықпаған секілді. Ал үйде жақындарымның көлігі болмаса, басқа адамдардың көлі­гін қарамаймын. Бұл кәсіп емес, қосымша әуестігім деуге болады. Көлік жөндеп, табыс тапқан емеспін, – деп ағынан жарылды. Ерболдың қайта жөндеген көліктерін көргенде: «Жаңа ғана салоннан шыққан ба?» деп ойлауыңыз мүмкін.

Ол жақында әріптес­терімен бірге ЗИЛ маркалы өрт сөн­діру автокөлігін жаңа мәшинедей жайнатып шы­ғарған. Жуырда олар №11 өрт сөндіру бөлімі атынан облыстық төтенше жағ­­дайлар департаменті ұйым­дастырып жатқан «Үз­дік жөндеу бөлімі» сайысына қатысады. Сол жерде облыс бойынша арнайы техниканы жақсы күтіп ұстаған бөлім марапатталатын болады. Ал біздің кейіпкеріміздің ше­берлігі сол жерде жоғары ба­ғаға ие болары сөзсіз.

Қайрат ЖАҚЫП

Батыс Қазақстан облысы,

Қазталов ауданы