Нұр-Сұлтан қаласында бақылау бекеттері алынды. Бұл туралы қала әкімдігінің баспасөз қызметі Instagram парақшасына жариялады.
Елорда маңындағы елді мекендерге автобустар бүгіннен бастап жүре бастайды. Қоғамдық көлік таңғы сағат 06:00-ден түнгі 22:00-ге дейін қатынайды. Қоғамдық көліктер толық зарарсыздандырылады.
Ал жүргізушілерге қойылатын басты талап – бетперде тағып, қолғап киіп отыруы тиіс. Жолаушылар да автобусқа медициналық маскасыз міне алмайды.