Балаларды қорғау күніне орай сурет байқауы ұйымдастырылды деп хабарлайды елорда әкімдігінің ресми сайты.
«Senim» медиация орталығы мен «Рухани қоғам әлемі» қоғамдық қоры 1 маусым – Халықаралық балаларды қорғау күніне орай, 4-10 жастағы балалар арасында «Мен бақытты баламын» атты сурет байқауын өткізді.
Байқауға 50-ге жуық жас суретші қатысты. Нәтижесінде жүлделі үшінші орын сегіз жасар Бұлбұл Қаратаеваға бұйырса, екінші орынды жеті жасар Диас Болат еншіледі. Ал бірінші орынға алты жасар Мереке Ерболат ие болды.
Жеңімпаздар мақтау қағаздарымен және кәдесыйлармен марапатталды. Байқау Instagram желісінде онлайн режимде өтті. Қазылар алқасы бірінші кезекте суреттердің шынайлығына, тақырыпты ашуына қарай бағалады.