Денсаулық сақтау вице-министрі Олжас Әбішев Денсаулық сақтау министрлігінің медиаорталығында өткен онлайн брифингте елімізге шетелден келетін азаматтардың мәліметтері қалай тіркелетіні жайында айтты.
«2 апта бұрын ішкі транзит пен сыртқы транзиттегі азаматтарды тіркейтін едік. Бірақ қазір бас дәрігердің жаңа қаулысы бойынша жаңа алгоритм қабылданды. Қазақстанның ішіндегі азаматтардың мәліметтері жиналмайтын болды. Тек қана шетелден келетін немесе шетелге шығатын азаматтардың мәліметтері жинақталады. Ішкі транзиттегі азаматтардың симптомдары анықталған кезде ғана мәліметтерін тіркеп, ауруханаға жатқызамыз», - деді Олжас Әбішев.