Атырау қалалық сәулет және қала құрылысы бөлімінің қызметкері 7 маусымда ЖРВИ белгісімен медициналық көмекке жүгініпті. Алайда, одан алынған зертханалық сынамалар қорытындысымен коронавирус инфекциясы табылып отыр, - деп хабарлайды Egemen.kz
"Әлеуметтік желілерде Атырау қалалық сәулет және қала құрылысы бөлімінің карантинге жабылғаны туралы тараған ақпарат жалған. Қазір аталған бөлім күшейтілген санитариялық-дезинфекциялық режимге сай қашықтан жұмысын жалғастыруда. Ал, науқас жұқпалы аурулар ауруханасына жатқызылып, бекітілген хаттамаға сәйкес ем қабылдап жатыр",- деп хабарлады облыстық тауарлар мен көрсетілетін қызметтердің сапасы мен қауіпсіздігін бақылау департаменті.
Науқаспен жақын қарым-қатынаста болғандар анықталып, медициналық бақылауға алынды. Сондай-ақ, ауру ошағында дезинфекциялық жұмыстар жүргізілді.