Қостанай облысының білім басқармасына қарасты "Ақпараттандыру және білім сапасын бағалау орталығы" коммуналдық мекемесінің басшысы пара берді деген күдікке ілікті, - деп хабарлайды Egemen.kz.
Мекеме басшысы мемлекеттік сатып алу конкурсын ұтып алған коммерциялық ұйымға келісімшарт бойынша бөлінген 158 млн теңге қаржының аударымын жеделдету үшін қалалық білім бөлімінің лауазымды тұлғасының жеке есепшотына 9 млн теңгеден астам ақша аударған.
Мекеме басшысына қатысты сотқа дейінгі тергеу басталды. Күдіктінің кінәсін сот анықтайды, - деді Сыбайлас жемқорлыққа қарсы күрес қызметінің бас маманы Евгений Бедыч.
Қостанай облысы