"АрселорМиттал Теміртау" АҚ Көмір департаменті шахталарының өндіру бригадаларына жұмысы одан сайын ыңғайлы әрі қауіпсіз болады. Бұл үшін арнайы "Құрылысмет" ЖШС РГТО зауытының №1 өндірісі жаңғыртылған ГМ 15-29М механикаландырылған кешені секцияларының алғашқы бес прототипі таныстырылды, деп жазады Egemen.kz
"АрселорМиттал Теміртау" АҚ Көмір департаментінің бас механигі Александр Троттың айтуынша, ұсынылған жабдық – КД және "Құрылысмет" ЖШС мамандарының күшімен жүзеге асырылған, механизацияланған бекітпенің желілік секцияларының төртінші буыны болып табылады.
Көмір департаментінде соңғы кезде жиі қолданылатын механикаландырылған Глинник 08-22 және Глинник 08-26 секцияларын жаңғырту идеясы 2006 жылы пайда болды. Сол кезде поляк әріптестерінің қатысуымен және олардың сызбалары негізінде бірінші жаңғырту жүргізілді. Осылайша ГМ 15-29 және ГМ 14-22 секцияларын жасай бастады. Содан кейін Глинниктен 15-29 ГМ 15-29У және кейінгі модификациялары жаңартылды.
"Бұл секциялар өз із ашары ГМ 15-29Удан шамамен 40%-ға ерекшеленеді", деп түсіндірді Александр Трот. "Барлығы біздің кеншілердің жұмысын ыңғайлы және қауіпсіз ету үшін жасалды".
ГМ 15-29М жаңа модификациясы қолданыстағылардан қайта жасалмай, "Құрылысмет" ЖШС өндірістерінде нөлден дайындалған: жобаны әзірлеуден және сызбаларды дайындаудан бастап элементтер мен жинақтауыштарды дайындауға дейін. "Шахтерлердің алдыңғы секциялардың жұмысы бойынша айтылған барлық пікірлері әзірлемелерде ескерілді", деді "Құрылысмет" ЖШС директоры Ғабит Омарханов. "Негізгі идея − жұмыс қауіпсіздігі мен ыңғайлылығы және өнімділік.
Жобаны жүзеге асыруға және алғашқы бес секцияны дайындауға бес айға жуық уақыт кетті. Ғабит Тельманұлының айтуынша, 2020 жылы бекітпенің 40 секциясын шығару жоспарлануда. Жаңа жабдықты құруға "Құрылысмет" ЖШС-нің ұжымы толықтай қатысты: конструкторлар, РГТО зауыты мен НОММ зауытының өндірушілері − көптеген элемент осы өндіріс алаңында дайындалған.
"Менің ойымша, біз мұнымен шектелмейміз", деді Александр Трот. "Біз жақсартулар мен инновациялар жолындағы жұмысымызды жалғастыратын боламыз.