Нұр-Сұлтан қаласының қоғамдық денсаулық сақтау басқармасының басшысы Сәуле Қисықова елордада 20-дан астам вирусологтың індет жұқтырғанын мәлімдеді, - деп хабарлайды Egemen.kz.
"Зертхананың 20-дан астам қызметкері (вирусологтары) індет жұқтырды. Олар күні-түні, тәулік бойы жұмыс істеді. Олар үнемі вирустың эпицентрінде жүрді. Отбасында дүрбелең туғызбай, зертханалық қызметке ауыртпалық түсірмей, ешқандай себепсіз тестілеуден өтудің қажеті жоқ. Сіз тек дәрігерлердің барлық ұсыныстарын орындауыңыз керек", - деді Сәуле Қисықова.