Үндістан мұсылмандары жұқпалы індеттен сақтану үшін жоғары технологияның көмегіне жүгіне бастады. Бұл туралы ҚМДБ баспасөз қызметіне сілтеме жасай отырып Egemen.kz хабарлайды.
Қалтасына ауырлық түсірсе де денсаулық пен өзгелердің өмірін қатерге тікпеу үшін Керала штатының мұсылмандары мешітке смарт-карта арқылы кіретін жүйеге көшті. Кожикод қаласындағы мешіттердің бірінде жамағатқа мұндай карталар таратыла бастады.
Мешітке қанша адамның кіргенін біліп отыруға әрі бір жерге шоғырланып жиналуының алдын алуға көмектеседі. Мешітке келген адам камера алдына мәліметін тосады: онда мекен-жайы мен телефон нөмірі тіркелетін автоматты жүйесі енгізілген. Келесі келгенінде тек смарт-картасының нөмірін ғана атаса жетіп жатыр. Мешіт есігі картаны датчиктен өткізген соң автоматты түрде ашылады. Сондай-ақ мешіт есігінде сенсор орнатылған.