Кеше Қазақстан Республикасындағы Адам құқықтары жөніндегі уәкіл Асқар Шәкіров Қазақстанға сапармен келген Penal reform international (Халықаралық түрме реформасы) халықаралық ұйымының сарапшысы Красимир Каневпен кездесті, деп хабарлады Адам құқықтары жөніндегі уәкіл аппаратының баспасөз қызметі.
Кеше Қазақстан Республикасындағы Адам құқықтары жөніндегі уәкіл Асқар Шәкіров Қазақстанға сапармен келген Penal reform international (Халықаралық түрме реформасы) халықаралық ұйымының сарапшысы Красимир Каневпен кездесті, деп хабарлады Адам құқықтары жөніндегі уәкіл аппаратының баспасөз қызметі.
Кездесу барысында тараптар Қазақстанда азаптаудың алдын алу жөніндегі жоба шеңберіндегі Орталық Азия аумағындағы Penal reform International (Халықаралық түрме реформасы) халықаралық ұйымының өкілдігі мен қазақстандық ұлттық құқық қорғау мекемесі арасындағы ынтымақтастық мәселелерін сөз етті.
Кездесу барысында Омбудсмен БҰҰ-ның Азаптауларға қарсы конвенциясы мен Факультативтік хаттамасының ұлттық заңнамамызға имплементация үдерістерін түсіндірді. Халықаралық сарапшы ағымдағы жылы Мемлекет басшысы қол қойған азаптаудың алдын алу жөніндегі ұлттық алдын алу тетігін құру туралы заңға байланысты мәселелерден хабардар етілді.
Тараптар бірлескен жобалар шеңберіндегі әрекеттестік оң нәтижелер беріп отырғанын атап көрсетіп, оны бұдан әрі жалғастыруға мүдделілік танытты.