Португалия құрамасы мен туриндік "Ювентус" клубының шабуылшысы Криштиану Роналду тағы бір рекорд орнатты, деп хабарлайды Egemen.kz.
35 жастағы шабуылшы 27-турда "Верона" қақпасына гол соқты. Бұл Роналдудың Италия чемпионатындағы 43 голы еді. Осылайша, ол португалиялық футболшылар арасында А сериясында ең көп гол соққан ойыншы атанды.
Бұған дейінгі рекорд "Милан" мен "Фиоретинаның" шабуылшысы Руй Коштаға тиесілі еді. Ол 42 гол соққан. "Ювентус" пен "Верона" арасындағы кездесу 2-0 есебімен аяқталды. Екінші голды аргентиналық шабуылшы Пауло Дибала соқты.
Айта кетейік, Роналду португалиялық футболшылар арасындағы Испания біріншілігінде ең көп гол соққан футболшы. "Реалдың" сапында ол 311 рет көзге түскен. Сондай-ақ ол Ағылшын біріншілігінде де отандастары арасындағы үздік сұрмерген. "Манчестер Юнайтед" сапында Криштиану 84 гол соққан.