Қарабалық ауданында Талды ауылының маңындағы орманды алқап өртенді. Қызыл жалын 13,3 га құрғақ шөп пен 3,6 га орман ағашын шарпыған, - деп хабарлайды Egemen.kz.
Мамандардың айтуынша, өрттің шығу себебі отты абайсыз пайдаланудан болған.
"Қазір өрт сөндіру жұмыстарымен Михайлов орман шаруашылығының 18 қызметкері және 9 техникасы, сондай-ақ "Тоғызбай-Агро" серіктестігінің ерікті өрт сөндіру құрылымдары айналысып жатыр. Бастысы, өрттің таралу қаупі жойылды. Құрбан болғандар мен зардап шеккендер жоқ", - деп хабарлады облыстық төтенше жағдай департаментінің баспасөз қызметі.
Департамент мамандары тұрғындарды қарапайым өрт қауіпсіздігі ережелерін сақтауға шақырады.
Қостанай облысы