Орта Азия елдерінде пандемия күшейіп келеді. Кейінгі күндері Өзбекстанда бір тәулікте 600-ге жуық адам коронавирус жұқтырды. Бұл – эпидемия басталғалы тіркелген ең үлкен көрсеткіш, - деп хабарлайды Egemen.kz.
Жалпы, Өзбекстанда коронавирус диагнозы 14 мыңға жуық адамға қойылып, 60-тан астымы қайтыс болды. Науқастар саны артқандықтан, көрші ел шілденің 10-нан тамыздың 1-не дейін қайта карантин жариялады.
Тәжікстанның Худжанд қаласында коронавирус жұқтыру оқиғалары бірнеше есеге өскен. Мұны шаһардың COVID-19 тарауына жол бермеу штабы хабарлады. Республикада инфекцияны 6500-дей адам жұқтырып, 50-ден астам адам көз жұмды.
Қырғызстанда коронавирус 11 мыңнан астам адамнан табылып, 450 тұрғын қаза тапқан. Науқастарды қабылдау үшін күндізгі және түнгі стационарлар ашылды.