Кентау қаласында көп қабатты тұрғын үйлердің сыртқы қабырғасына қазақтың ұлы тұлғаларының бейнесі салынуда. Алғашқы мурал - қоғам қайраткері, жазушы Сәкен Сейфуллиннің бейнесі алыстан менмұндалайды, - деп хабарлайды Egemen.kz.
Алдағы уақытта дәл осындай қарқында бірнеше көпқабатты тұрғын үйге тарихи тұлғалар бейнесін салу жоспарлануда. Қоғам қайраткерінің бейнесін айнытпай салған жас суретші Әли Рысымбетов туған қаласының көркеюіне өз үлесін осылайша қосуда. Тұрғын үйлердің қасбетіне көрік беру жұмыстарын "Құрылыс Кентау" ЖШС қолға алған.