Бүгіннен бастап Алматы облысындағы Түрген және Есік шатқалдары аумағына кіруге тыйым салынды. Бұл туралы Еңбекшіқазақ ауданының бас санитар дәрігері айтты, - деп жазады Egemen.kz
"Қаулы 23 шілде - 2 тамыз аралығында Түрген, Есік шатқалдары территориясына кіруге тыйым салуды қамтамасыз етеді.
Тек төмендегі ережені сақтаған жағдайда ғана жаяу серуендеуге болады:
1. сусыннан басқа азық-түлік алып өтуге, дастархан жайып, от жағуға тыйым салынады;
2. үш адамнан артық адамдарға топтасып демалуға тыйым салынады;
3. әлеуметтік қашықтық талаптарын, маска киюді қамтамасыз ету;
4. бір отбасынан 3 адамнан артық адамдарға коропоративтік, экскурсиялық, топтық демалыс тыйым салынады
5. осы аймақта орналасқан қонақ үйлер мен демалыс орындарына (қонақ үйлер, туристік базалар) алдын ала төлем алуды тоқтату;
6. қаулы шыққан уақыттан бұрын демалуға келген туристер қонақ үйлер мен шипажайда санитарлық нормаларды қатаң сақтауға міндеттеледі;
7. туристік аймақтарда сауда нүктелері, сауна, бассейн жұмысы тоқтатылады.
8. Іле Алатауы Ұлттық паркіне арнайы қызметтен бөлек көліктердің кіруіне тыйым салынсын", - делінген ауданның бас санитарлық дәрігерінің қаулысында.
Бұған дейін Алматыда да 14 шілдеден бастап таулы аймақтарға демалуға тыйым салынған болатын.