Облыстық жедел жәрдем стансасы директорының міндетін атқарушы Наргиз Баймолдаеваның айтуынша, қазіргі уақытта 103 нөмірі арқылы call-орталыққа хабарласушылар саны азайып отыр, - деп хабарлайды Egemen.kz.
"Мәселен, 20 маусымнан бастап тәулігіне 1300 қоңырау түсетін еді. Ал, қазір шамамен 720-730 қоңырау шалынады. Оның 300-ге жуығы аудан тұрғындарынан түседі. Қоңыраулар саны 25 пайызға азайып, онлайн-консультациялар саны да кеміді. Хабарласушылардың басым бөлігі дене қызуы көтерілетінін айтады. Сөйтіп, өздерінде коронавирус инфекциясының белгілері бар-жоғын анықтағысы келеді. Сондай-ақ, мұндай жағдайда не істеу керек, қайда бару, қандай ем қабылдау қажеттігін сұрайды", - дейді Наргиз Баймолдаева.
Қазір call-орталықта 36 тәжірбиелі маман тұрғындарға кеңес береді. Олар 4 ауысыммен тәулік бойы сағат жұмыс істейді.