Әуе апатынан қаза тапты

Зеленов ауданындағы Белес ауылы аумағынан «Robinson-44» тікұшағының сынықтары мен қалдықтары және опат болған екі адамның денесі табылды деп хабарлады Төтенше жағдайлар департаментінің баспасөз қызметі. Олардың бірі – есімі Ақжайық өңіріне кеңінен танымал кәсіпкер, жерге құлаған жекеменшік әуе көлігінің иесі Владимир Волков, екіншісі – оның қатар жүрген серіктес досы Григорий Поляничко екені белгілі болып отыр. Оқиға орнында болған әріптестеріміздің айтуына қарағанда, тікұшақтың қираған сынықтары 150 метрлік радиусқа дейін шашылып кеткен.

Зеленов ауданындағы Белес ауылы аумағынан «Robinson-44» тікұшағының сынықтары мен қалдықтары және опат болған екі адамның денесі табылды деп хабарлады Төтенше жағдайлар департаментінің баспасөз қызметі. Олардың бірі – есімі Ақжайық өңіріне кеңінен танымал кәсіпкер, жерге құлаған жекеменшік әуе көлігінің иесі Владимир Волков, екіншісі – оның қатар жүрген серіктес досы Григорий Поляничко екені белгілі болып отыр. Оқиға орнында болған әріптестеріміздің айтуына қарағанда, тікұшақтың қираған сынықтары 150 метрлік радиусқа дейін шашылып кеткен.

– Оның бәрін іздестірумен, тікұшақ бортында жазылып қал­ған жазбалардың мағынасын ашу жұмыстарымен, тұтастай алған­да тікұшақтың апатқа ұшырау себептерін анықтаумен азаматтық әуе комитетінің сарапшылары айналысуда. Сондықтан бұл оқиға жө­нінде түбегейлі байлам жасау уақыты жеткен жоқ. Тек әзір­ге анық байқалған көрініс тікұшақ­тың шашылып кеткен сынықтары мен қалдықтарында күю мен өр­тенудің белгілері жоқ, – деді газет тілшісіне Орал көлік прокуроры Арман Мұхамбетқалиев.

Аталған дерек бойынша ҚР Қылмыстық кодексінің теміржол, әуе және су көлігінде қозғалыс қауіп­сіздігі ережелерін бұзуға қатыс­ты қылмыстық іс қозғалды. Тиі­сінше бұл іс Қылмыстық ко­декс­тің 295-бабының 3-тар­мағына сәйкес келеді. Тергеу амалдарын Орал стансасындағы желілік іш­кі істер бөлімінің қызметкерлері жүргізуде.

Рас, тікұшақ иесі ұшар ал­дын­­да оның бағытын жергі­лікті әуе қозғалыстарын бас­қа­ру орталығымен және «Каза­эро­навигация» қызметімен келіскен. Оның үстіне Владимир Волковтың да, оның жанындағы Григорий Поляничконың да тік­ұшақты басқарып ұшуға рұқсат беретін куәліктері болған. «Robinson-44» әлемдегі ең сенім­ді әуе көліктерінің бірі. Бұл тік­ұшақ әр елдегі полиция және құт­қару қызметтерінде кеңінен қолданылады. Оның құны 650 мың АҚШ доллары төңірегінде екенін интернеттегі дерек көздері айғақтайды. Қалай десек те, «Ro­bin­sonның» сенімді екеніне қарамастан, Орал өңірінде осындай қайғылы жағдай орын алды. Жазмыштан озмыш жоқ деген осы да.

Темір Құсайын,

«Егемен Қазақстан».

Батыс Қазақстан облысы.