Адамзат баласы таяу мезгілде COVID-19-ға қарсы ұжымдық иммунитетке ие болады деген пікірге ДДСҰ Төтенше жағдайлар жөніндегі бағдарлама директоры Майкл Райан күмән келтірді, - деп жазады Egemen.kz
Ол Дүниежүзілік денсаулық сақтау ұйымы планетада қанша адамның індет ілмегіне ілінетінін білмейді, кейбір зерттеушілердің болжамында ол 60-80 пайызды құрайды, ал енді бір ғалымдар одан аз болуы мүмкін дейді. Қалай дегенде де КВИ-дің оңайлықпен кете қояр түрі жоқ. Сондықтан да ұжымдық иммунитет туралы айтуға ерте. Майкл Райан: "COVID-19-ды жеңіл өткізген жас адамдардың өзінің жазылғаннан кейін де біраз уақыт қалыпына келе алмайтынын көрдік", деп аурудың осал еместігіне баса мән берді.