Биыл тамыз айында «Қазақстан темір жолы» ҰК» АҚ мен «Dostyk TransTerminal» ЖШС арасында Достық стансасында терминал салу бойынша ынтымақтастық туралы келісімге қол қойылды. Құжат Қазақстанның транзиттік әлеуетін дамыту үшін негізгі тізбегі саналатын Достық шекаралық стансасының өткізу мүмкіндігін арттыру мен инфрақұрылымын дамыту жөніндегі ұзақмерзімді әрі өзара тиімді ынтымақтастығының басталуына кепіл болмақ.
«Dostyk TransTerminal» ЖШС Достық стансасының шығысындағы 6 шақырым жерде көпфункциялы ауыстырып тиеу жүк терминалы құрылысын бастайды. Жаңа терминал тар шойын жолдан кең жолақты теміржол көлігіне контейнерлерді қайта тиеуге арналған, бұл ретте ауа райы жағдайына қарамастан толық құрамды контейнерлік пойыздардың алдыңғы жүктемесінің болуы қарастырылған. Мұнда жылына 100 мың контейнерге дейін, жүкағынының ұлғаюына қарай 450 мың контейнерге дейін кеңею мүмкіндігімен ауыстырып тиеу қамтамасыз етілетін болады.
Жоспарға сәйкес, терминал 2021 жылдың сәуірінде контейнерлік пойыздарды қабылдай бастайды. Заманауи логистикалық хаб ретінде жаңа терминалдың жұмыс істей бастауы Достық стансасы арқылы көлік бағытының бәсекеге қабілеттігін арттыруға ықпал етеді, бұл әсіресе Қытай-Еуропа бағыты бойынша контейнерлік тасымалдардың қарқынды дамуы жағдайында маңызды.