Қайраткерге қойылған ескерткіш

Ол сол Игілік ауылында дүниеге келіп, кезінде Жам­был облысының Сарысу, Жам­был, Мойынқұм аудандарында басшылық қызмет атқарған тұлға. Ел есінде іс­кер­лігімен қалған азаматтың ескерткішінің ашылуына бел­гілі ақын, Қазақстанның еңбек сіңірген қайраткері Ма­ралтай Райымбекұлы ұйыт­қы болды. Ал туындының авторы – танымал мүсінші Ал­тай Бейсенов.

Жалпы, ел ішінде Айтбай Назарбековтің қызметіне адал азамат болғаны жиі айты­ла­ды. Ол Мойынқұм ауда­нын­да басшылық қызмет­те болған кезінде даңқ­ты шо­пан Жазылбек Қуаныш­баев­тың Социалистік Еңбек Ері атанғаны да белгілі. Оның Дін­мұхамед Қонаев, Ғабит Мү­сірепов, Әзілхан Нұр­ша­йықов, Қадыр Мырзалиев сияқ­ты қазақтың көрнекті тұл­ғаларымен сыйлас болғаны жай­лы да ғибратты әңгімелер же­терлік. Қайраткер тура­лы олардың жазған естеліктерінде де кездеседі. Ес­керт­кіштің ашы­луына жи­налған көпшілік Айтбай Назарбековтің қай­рат­керлік қасиетін, азаматтық бол­мысын еске алды. Көзкөр­ген­дер естеліктерімен бөліс­ті. Жиынға Парламент Мә­жілісінің депутаты Бақытбек Смағұл арнайы келіп, Айтбай Назарбековтің адамгершілік қасиеттері туралы әңгімеледі. Сондай-ақ ол Елбасы Кең­сесінің басшысы Махмұт Қасымбековтің, Парламент Мәжілісі Төрағасының орын­­басары Гүлмира Исим­баеваның, сонымен қатар елі­міздің Мә­дениет және спорт министрі Ақтоты Райымқұлованың құттықтау хатын оқып берді. Ал Са­рысу ауданының әкімі Бақыт­жан Жақсылықов, Жам­был облыстық «Ақ жол» га­зетінің бас редакторы Орал­­­х­ан Дәуіт, Игілік ауы­лы­­­ның тұр­­ғыны Алтын Дос­жа­нова және өзге де азаматтар Айт­бай Назарбековтің кісілік келбетін, өшпес өне­гесін атап өтті. Сондай-ақ Маралтай Ра­­йымбекұлы мұн­дай аза­­маттардың сара жо­лы, дара бол­мысы келешек ұрпаққа үлгі екенін айта келіп, өзінің «Игі­лік» өлеңін оқып берді. Аудан өнер­паздары ән шырқап, ауыл аспанын әнге бөледі.

Жамбыл облысы