Бұл күндері Алматының медициналық мекемелері жаңа жедел жәрдем көліктерімен және түрлі керекті жабдықтармен толығып отыр, деп хабарлайды Egemen.kz.
Бұған дейін қалаға ӨЖЖ аппараттары, пульсоксиметрлер және оттегі концентраторлары бар гуманитарлық жүк келген болатын.
Бұл көмек "Самұрық-Қазына" АҚ мен ҚР Денсаулық сақтау министрлігі арасындағы ынтымақтастық туралы Меморандум аясында көрсетілді. "Самұрық-Қазына" АҚ компаниялар тобы қайырымдылығының бірыңғай операторы – "Samruk-Kazyna Trust" Әлеуметтік жобаларды дамыту қоры қажетті жабдықтарды сатып алып, оларды өңірлерге жіберді.
Осылай Алматыға 5 өкпені жасанды желдету аппараты (ӨЖЖ), 10 оттегі концентраторы, 80 пульсоксиметр жеткізілді. Сондай-ақ, облысқа Shevrolet Damas маркалы 4 жедел жәрдем көлігі келді.
"Біз "Самұрық-Қазына" компаниялар тобына көрсеткен көмегі үшін ризамыз. Отандық медицина алғаш рет осындай үлкен қауіппен бетпе-бет келді. тап болды. Елімізде коронавируспен күресте алдыңғы қатарда тұрғандарды қолдауға дайын көптеген азаматтардың бар екеніне өте қуаныштымыз. Біздің ынтымақтастығымыз алдағы уақытта да жалғаса береді және ортақ күш-жігермен біз жақын арада қалыпты өмірге орала аламыз деп үміттенеміз", – дейді Алматы қаласы Қоғамдық денсаулық басқармасының басшысы Камалжан Надыров.
Айта кетейік, мұндай жиынтықтарды әрбір облыс, сондай-ақ республикалық маңызы бар қалалар алады.
"Бұл шаралардың барлығы біздің медицинамыздың жұқпалы аурулармен, соның ішінде COVID-19 коронавирустық инфекциямен күресуге дайындық деңгейін арттыруға және ұлттық денсаулық сақтау жүйесін нығайтуға бағытталған", – дейді "Samruk-Kazyna Trust" Қорының ресми өкілі Мирас Іргебаев.
Және Меморандум аясында республика бойынша Денсаулық сақтау жүйесін ұйымдастыруға 100 жедел жәрдем көлігі, 1 000 оттегі концентраторы, 50 ӨЖЖ аппараты, 1 000 пульсоксиметр жеткізілетін болады.
АЛМАТЫ