Нұр-Сұлтанда кітапхана және архивтің интеграциясы кезінде шығармашылық мамандықтар штаты қысқармайды, деп хабарлайды Egemen.kz әкімдіктің ресми сайтына сілтеме жасап.
Елордалық кітапханалар желісі қысқармайды. Қазіргі уақытта кітапханалар мен архив қызметін интеграциялау бойынша жұмыс жүргізілуде. Бұл оқырман үшін қолайлы жағдайды одан әрі дамытуға мүмкіндік береді, атап айтқанда:
1) электронды ресурстарды кеңінен енгізу (бірыңғай электронды кітапхана базасын құру, архивтік және кітап қорларына қашықтан қол жеткізу, жиынтық электронды каталог құру және т.б.);
2) қолжетімділік қағидаты бойынша кітаптарға қолжетімділікті қамтамасыз ету, соның ішінде кітаптарды үйге жеткізу;
3) жаңа технологияларды енгізу (оқырмандарға арналған онлайн-қызметтер мен қызметтер, қызығушылық тудыратын кітаптар мен мұрағат материалдарын іздеудің интеллектуалды жүйелері, бірыңғай электронды кітапхана картасын енгізу және т.б.);
4) қала тұрғындары үшін кітапхана және мұрағат қызметтерінің қолжетімділігінің артуы.
Сондай-ақ кітапхана мен мұрағат қызметтерін орталықтандыру және сапасын арттыру бойынша бірқатар шаралар қарастырылған.
"Қазіргі уақытта Архив оқырмандарға елорданың кітап және мұрағат қорларына қашықтан қолжетімділікті қамтамасыз етудің техникалық мәселелерін шешуге мүмкіндік беретін инфрақұрылымды қалыптастырды. Болашақта электронды кітапхана базасын құру жұмыстары жүргізілуге тиіс. Пандемия мен карантин шараларын енгізу жағдайында бұл қызметтер ерекше маңызға ие", - делінген хабарламада.
Кітапхана мен архивтің интеграциясы кезінде шығармашылық мамандықтар штаты қысқармайды. Кітапхана қызметкерлері әдеттегідей жұмысын жалғастырады. Әкімшілік-басшылық құрамды оңтайландыру мәселесі қарастырылуда.