Ресей президенті Владимир Путин Нобель сыйлығына ұсынылды, деп хабарлайды Egemen.kz Риа Новости-ге сілтеме жасап.
"Ресейлік жазушы Сергей Комков үстіміздегі жылдың 10 қыркүйегінде Ослода өтетін Нобель сыйлығына В.Путиннің үміткер болуына өтініш жібергенін хабарлады", делінген жазбада. Нобель сыйлығының иелеріне 1 млн доллардан беріледі.
Еске сала кетейік АҚШ президенті Д.Трамп та Нобель сыйлығына ұсынылды. Нобель комитетіне ресми өтінішті Норвегия парламентінің өкілі Кристиан Тибринг-Гедде жіберді. Ол Трампты Нобель сыйлығына ұсыну туралы хатында Ақ үй әкімшілігі Израиль мен БАӘ арасындағы қарым-қатынасты орнатуда маңызды рөл атқарғанын атап өтті.