Шымкентте Денсаулық сақтау басқармасына жаңа басшы тағайындалды

Бақытжан Жолдасбекұлы 1980 жылы Оңтүстік Қазақстан облысында дүниеге келген. Білімі жоғары, мамандығы бойынша дәрігер-травматолог.   Еңбек жолын Шымкент қаласындағы мамандандырылған емдеу-профилактикалық мекемесінің аға мейіргері болып бастаған. Кейін Оңтүстік Қазақстан медицина академиясында оқытушы, Шымкент қалалық жедел жәрдем стансасының жедел жәрдем дәрігері, "Дәрігер Орынбаев" медициналық орталығында бөлім меңгерушісі, сондай-ақ директордың емдеу ісі жөніндегі орынбасары мен бас дәрігері болып еңбек еткен.   2018 жылдың наурыз айынан бүгінгі күнге дейін "Медикер ЮК" медициналық орталығының бас директоры қызметін атқарып келген.