Түркістан облысында өз балаларын аяусыз сабаған ер адам қамауға алынды, - деп хабарлайды Egemen.kz Түркістан облысы ПД баспасөз қызметіне сілтеме жасап.
Еске салайық, 4 қазанда әлеуметтік желілерге мониторинг жүргізу барысында Түркістан облысы Полиция департаментінің полицейлері белгісіз ер адамның кәмелетке толмаған баланы ұрып-соғып жатқан бейнежазбасын анықтады.
Бұл дерек Қазығұрт аудандық полиция бөлімшесінде сотқа дейінгі тергеудің бірыңғай тізіліміне ҚР Қылмыстық кодексінің 110-бабы, 2-бөлігі бойынша тіркелді. Сол күні күдіктінің әйелі полиция бөліміне өзінің балаларын күйеуі ұрып-соққаны туралы арыз жазған. Полицейлер жұмыс істемейтін жергілікті тұрғынды ұстады.