Қызылордада соңғы кездері алаяқтық оқиғалары тым жиілеп барады. Оны жасаушылар да, әккілердің құрығына алдымен түсетіндер де көбіне әйел адамдар болып отыр, - деп хабарлайды Egemen.kz
14 қазан күні облыс орталығының тұрғыны қалалық Полиция басқармасына 1 жыл бұрын "банктен ірі мөлшерде несие алып беремін" деп 175 мың теңгесін алдап алған танысының үстінен арызданған.
Жедел-іздестіру шаралары нәтижесінде Жалағаш ауданының 42 жастағы тұрғыны ұсталды.
Аталған дерек бойынша Қазақстан Республикасы Қылмыстық кодексінің 190-бабының 1-бөлігімен сотқа дейінгі тергеп-тексеру амалдары жүргізілуде.