24 қазан күні түнгі уақытта Қызылорда облысы Полиця департаментінің Қазалы аудандық полиция бөліміне аудан тұрғыны жеке үйлердің бірінің алдында тұрған автокөлікте күдік тудыратын заттың бар екендігін хабарлаған.
Көрсетілген мекен - жайға полицейлер бірден барып, жедел тексеру нәтижесінде автокөліктің алдыңғы сол жақ есігінен және артқы орындықтың астынан қолдан жасалған қаруға ұқсас екі бөліктен тұратын, бір-біріне құрамдас бөліктерімен киілетін зат алынды. Күдікті ұсталды.
Қазалы аудандық полиция бөлімінің бастығы, полиция подполковнигі
Сәбит Арыновтың айтуынша қазіргі уақытта бұл дерек бойынша Қазақстан Республикасы Қылмыстық кодексінің 287 – бабының 3 – бөлігімен сотқа дейінгі тергеп – тексеру амалдары басталып, қаруды заңсыз жасаумен айналысу және сақтау мақсаттары анықталуда. Сараптамалар тағайындалды.