Кеше, 30 қазанда сағат 14:32-де Атырау қаласының А.Құнанбаев көшесіндегі көп қабатты тұрғын үйдің пәтері өртенген, деп хабарлайды Egemen.kz.
"Департаменттің диспетчерлік пультіне 5 қабатты тұрғын үйдің бір пәтерінен түтін шығып жатқаны жөнінде хабар түсті.
Құтқарушылар оқиға орнынан келген кезде пәтердің кіреберісінде тоңазытқыш пен тұрмыстық заттар өртеніп жатты. Өрт сөндірушілер тұрғын үйдің жоғарғы қабатынан1 ересек адам мен 5 баланы құтқарды", деп хабарлады Төтенше жағдайлар департаментінің баспасөз қызметі.
Өртті департаменттің 15 қызметкері 4 техникамен сағат 14:51-де толықтай сөндірді.