Алматы қаласы Қоғамдық даму және Білім басқармаларының қолдауымен іске асырылатын Jastar Skills 2020 жобасы жұмысшы кәсіптерінің мәртебесін, бәсекеге қабілеттілікті арттыруға бағытталған, деп хабарлайды Egemen.kz.
Биылғы жылы шағын чемпионат 5 мамандық бойынша өткізіледі:
• Токарлық іс;• Дәнекерлеу ісі;• Аспаз ісі;• Күрделі бояу шебері;• Киім дизайны және модельдеу.
30 қазанда 2 мамандық – токарлық және дәнекерлеу ісі бойынша шағын чемпионат өтті. 1 кезең онлайн режимінде өтті. Оның қорытындысы бойынша Алматы автомеханикалық колледжінде өткен 2 турдың қатысушылары анықталды.
«Токарлық іс» мамандығының жеңімпаздары: 1 орын – Даниил Денисенко, 2 орын – Нұрсұлтан Идирисов, 3 орын – Олжас Сұлтанмұратов.
«Дәнекерлеу ісі» мамандығы бойынша: 1 орынды – Владислав Кевлич, 2 орынды – Қуаныш Юлчибаев, 3 орынды – Қуаныш Депутат иеленді.
Жеңімпаздар бағалы сыйлықтармен және грамоталармен марапатталды. Іс-шара карантиндік шаралар мен әлеуметтік қашықтықты сақтай отырып өткізілді.