Елордалық кәсіпкерлер Бизнестің жол картасы бойынша грант алған жобаларды жүзеге асыра бастады, деп хабарлайды Egemen.kz елорда әкімдігінің баспасөз қызметіне сілтеме жасап.
Diction Studio Грань жетекшісі Дінмұхамед Төлешов "Бизнестің жол картасына" бөлінген гранттық қаражат бойынша шешендік өнерді және актерлік шеберлікті үйретуге арналған білім беру ақпараттық платформасын іске қосуды жоспарлануда.
"Пандемия басталған кезде біздің мектеп оффлайн режимінде жұмыс істей алмады. Оқушыларымызға сабақ беру үшін жол іздедік. "Бизнестің жол картасы" бізге телефон арқылы арнайы сайтқа кіріп, барлық дағдыларды игеру үшін студенттерге арналған платформа құруды бастауға мүмкіндік берді", деді Дінмұхамед Төлешов.
Қазіргі уақытта құрылтайшылар ересектерге де, балаларға да арналған платформа үшін бірегей мазмұнды әзірлеумен айналысады. Сонымен қатар, жобаны ілгерілету үшін маркетинг жоспары жасалуда.
"Қазғылым" ғылыми орталығының жетекшісі Алмас Жаңұзақов қызы бірінші сыныпқа барғанда мектеп асханаларында оқушыларға қолма-қол төлемсіз есеп айырысу жүйесін құруды ойлаған.
"Қызым бірінші сыныпта оқып жүргенде, ақша есептеуді білмейтіндіктен, асханада төлем жасау өте ыңғайсыз болды", дейді Алмас Жанұзақов жоба идеясы қалай пайда болғаны туралы.
BalaPay жүйесі қазірдің өзінде 50 мектепте жұмыс істейді. Қазіргі кезде оның қолданушы базасы 100 мың адамды құрайды. Олардың бестен бірі өнімді үнемі қолданады. Жүйе бір картамен қоғамдық көлікке ақы төлеуге, мектептегі турникеттік жүйеден өтуге және мектеп асханасында тамақтануға төлеуге мүмкіндік береді. Алайда, бұл өнім ата-аналар мен балалар үшін тегін қол жетімді. Компанияның мектеп асханаларымен коммерциялық байланысы бар.
"Ата-аналар баланың мектептен кіруі мен шығуын бақылай алады, өнімдерге, мөлшерге шектеулер қоя алады және балансты қадағалап, толықтыра алады. Яғни, жүйе ақша айналымын толығымен алып тастайды. Балаға мектепте тамақтану үшін қолма-қол ақша берудің қажеті жоқ", деп түсіндірді ғылыми орталық жетекшісі.
Естеріңізге сала кетейік, Нұр-Сұлтанда өткен "Бизнестің жол картасы-2025" байқауының қорытындысы бойынша 57 грант иегері анықталды.
Қазақстанда "Бизнестің жол картасы" бағдарламасы 2010 жылдан бері жұмыс істейді. Жергілікті атқарушы органдар бизнеске гранттармен және инфрақұрылымдық көмекпен қолдау көрсетеді. Грант конкурстарына кәсіпкерлер де, өз ісін ашқысы келетін қазақстандықтар да, оның ішінде әйелдер, мүмкіндігі шектеулі адамдар және 50 жастан асқан адамдар да қатыса алады.