Облысымызда шығарылған 60 жаңа жедел жәрдем көлігі Өскемен және Семей қалаларындағы Жедел медициналық жәрдем ауруханаларының станцияларына берілді, деп хабарлайды Egemen.kz
Су жаңа көліктер өкпені жасанды желдету аппараттарымен, оттегі баллондарымен, дефибрилляторлармен, пульсоксиметрлермен қамтылған.
Жалпы, биыл біздің облысымыз жедел әрекет ету қызметтерінің 216 жаңа жедел жәрдем көлігіне ие болады. Қазіргі уақытта өңірде 147 жедел жәрдем көлігі барын ескерсек, олардың саны енді 2,5 есеге артты.
Шығысқа келген 60 көліктің 40-ы Өскемендегі облыстық, 20-сы Семейдегі Жедел медициналық жәрдем ауруханаларына жеткізілді. Қарашаның ортасына қарай қалған 40 көлік келеді. Желтоқсанда тағы 116 санитарлық автокөлік алынып, олар қалған қалалар мен аудандарға таратылмақ.
Шығыс Қазақстан облысы