Қазақстан Халық партиясының кезектен тыс XV съезі барысында партия төрағасы болып Айқын Қоңыров сайланды, деп хабарлайды Egemen.kz
"Қазақстанның Халық партиясының төрағасы ретінде Қоңыров Айқын Ойратұлын сайлауды ұсынамыз", деді Орталық комитет сайлау бюросының мүшесі Виктор Смирнов.
Партияның жаңа басшысын сайлау туралы қаулы съезд қатысушыларының бірауыздан қолдауына ие болды. Одан бөлек, Қазақстанның Халық партиясы Орталық комитетінің хатшысы болып Жамбыл Ахметбеков, Гауһар Нұғыманова, Виктор Смирнов және Тұрғын Сыздықов сайланды.
Бұған дейін аталған партияның атауы өзгергені туралы хабарлаған болатынбыз. Сондай-ақ Қазақстанның халық партиясының кезектен тыс XV съезінде Орталық комитеттің жаңа мүшелері сайланды.