Жуырда Нұр-Сұлтан қаласы әкімдігінің мемлекеттік академиялық филармониясының «Халық әні» бөлімі «Ән базары – Қараөткел» атты онлайн концертті көрермен назарына ұсынды.
Қараөткел заманында кеңінен шырқалған әндерді бүгінгі толқынға қайта жаңғыртқан концерт тыңдармандарды өткен шақпен қауыштырды. Өз заманының бұлбұлдарын бір арнаға тоғыстырған өнер кешінде халық әндері «Қарғам-ау» мен «Шилі өзен», Ғазиз Файзоллаұлынан «Шалқыма», Біржан салдан «Адасқақ» пен «Айтбай», Ақан серінің әндері – «Балқадиша» мен «Шәмси-Қамар», Майраның «Толқымасы», Жаяу Мұсаның «Көгаршын», Сәтмағамбеттің «Қанатталды» туындылары шырқалды. Ұйымдастырушылардың айтуынша, дәстүрлі ән кеші болашақта ауқымды концертпен халыққа ұсынылатын болады.